| Tuesday, 18-Sep-2007 04:52 |
|
Mabuhay in the Pilippines
|
|
Joder esch das basic do i de philippine, esch aso ned so eifach do oeberhaupt internet zfende, es sei den mer esch inere sone draeckige //grossstadt// aber det mags eim ned lang bhalte, wells stenkt wie en moore onds strosseverkehrsgsetz do glaub noni erfonde worde esch... anyway, ben jo au ned waege de staedt done sondern waege de oeber 7000 enseli ond ensle ond em onterwasserlife:
dive esch raecht gedege do, esch zwor en budgetspraenger, aber was solls... au d zemmerpriise send zemmli gsalze im verglech met raescht-asie, aber devoer esch s bierli saubudget do (en schtotz). au bellig esch de transport. es ged diversi moeglechkeite sech vortzbewege: es velo met emene setz naebedra (tricle), en toeff met me setz naebedra (tricycle), en toeff wommer max z fuefte chan druf (habal-habal), denn de gueti alti jeepney (en alte laschtwage met setz of de ladeflaechi), denn notuerli de minibus (jepney chli chliner), denn was geds au no... notuerli de aircon van wenns chli besser darf si oder denn de klassiker, s taxi, woni au scho gnoh han foer en 4.5h tripp ganz am ahfang, woni eifach moeglechscht schnell ad beach han welle ond ned lang bus ond tricycle interchange mache...
jo sovel mol zo oeber wasser, onder wasser gsed das denn weder ganz andersch us. gaanz ruhig ond tranquillo, met millione vo feschli i allne farbe graesse ond forme, dezue korralle schoener ond meh as wasi bes etz gseh han wederom in allne variatione ond vorallem, wasi sehr wechtig fende, seehr individuell (of apo island esch am obe de divemaster cho ond hed gfrogt waer well tauche am andere tag, es paerli hed denn am 8.30 welle, ech han aber ned so frue usem bettli welle ond han denn gseid am 10ni woerd mer paessle. de chef hed denn gmeint gar ke problem ond so semmer anderetags denn tranquillo s 2te of de dive... sehr gmuetlech, well normalerwiis heissts mer tauchid 3x am tag denndenndenn ond denn gosch z 10tehoech oder no meh use ond muesch denn au ofe, wenn ergendeine vo de groppe ke suurstoff me hed.)
s waetter spellt leider nedeso met, hend (ben im momaent met 2 coole zoercher onderwaegs) maengisch s gfuehl, mer reised dem cheibe typhoon hendenoche... aber e ben optimestisch, foer morn hed de kachelman joerg jo sonne ahgseid!\""\""
sovel mol bes doaenne, meh spoeter!
|
